Þriðjudaginn 14. september nk. kl. 13-16 verður haldin uppskeruhátíð námsbrautar í náms- og starfsráðgjöf við Háskóla Íslands þar sem meistaranemar kynna niðurstöður lokaritgerða sinna. Hátíðin er samstarfsverkefni námsbrautar í náms- og starfsráðgjöf og Félags náms- og starfsráðgjafa.

Rannsóknir nemenda og kennara við námsbrautina leika lykilhlutverk í eflingu þekkingargrunns greinarinnar og styrkja náms- og starfsráðgjafa í faglegu starfi. Nýbakaðir meistarar leggja þar að auki íslensku samfélagi lið með rannsóknum sínum og aukinni þekkingu á þörfum fólks og því sem gagnast best við náms- og starfsráðgjöf. Uppskeruhátíðin er því tilvalin fyrir starfandi og verðandi náms- og starfsráðgjafa, sem og aðra áhugasama til að kynna sér nýjustu rannsóknir á sviðinu og auka þannig við sína eigin þekkingu.

Uppskeruhátíðin fer fram í Námunni, sal Endurmenntunar Háskóla Íslands við Dunhaga, og er öllum opin.

• Björg Kristjánsdóttir, formaður Félags náms- og starfsráðgjafa

• Agnes Ósk Snorradóttir - Þegar ég verð stór, ætla ég að verða pollur. Hugmyndir leikskólabarna um framtíðarstarf
• Líney Björg Sigurðardóttir - Stuðningur og hvatning foreldra til framhaldsskólagöngu barna sinna: Skiptir búseta máli?
• Svanhildur Svavarsdóttir - Á hverju byggja 10. bekkingar val sitt á framhaldsskólanámi? Skólaheimsóknir og önnur upplýsingaöflun 10. bekkinga um framhaldsskóla og námsbrautir
• Sigurjóna Jónsdóttir - Árangursmat á náms- og starfsfræðslu í starfsmenntaskóla
• Lóa Hrönn Harðardóttir - Afburðaárangur í háskólanámi  „...ég byrja ekki á einhverju nema ég ætli að klára það“

• Margo Elisabet Renner - WE WANT TO CONTRIBUTE TOO: The narrative experience of immigrants with career qualifications and their acceptance into the Icelandic labor market
• María Guðmundsdóttir Gígja - "Þetta skiptir öllu máli". Náms- og starfsráðgjöf í afplánun

• Ásta Briem - Í meistaranám við atvinnumissi
• Margrét Linda Ásgrímsdóttir - „Vinnan göfgar manninn“.  Reynsla atvinnulausra karla 50 ára og eldri af atvinnumissi
• Gréta Matthíasdóttir - Líðan og lífshamingja í atvinnuleysi: „Svo var hamingjan bara þarna hinum megin við hornið.“