Í lok síðasta mánaðar fór fram stórt málþing á vegum Efnahags- og framfarastofnunarinnar í tengslum við alþjóðlega stefnumótun og verklag vegna upplýsingamiðlunar um stöðuna á vinnumarkaði og námsleiðir. Að frumkvæði OECD þá kynntu þau Sveinn Aðalsteinsson, Fjóla María Lárusdóttir og Arnar Þorsteinsson frá FA þar íslenska vefsvæðið Næsta skref sem vakið hefur athygli OECD fyrir jákvæða þróun hvað varðar framsetningu upplýsinga og aðgengi fyrir hinn almenna notanda.

nýtt hefti af Euroguidance Insight komið á vefinn, sjá HÉR 
Efnið í þetta sinn skiptist nokkurn veginn í tvennt: hvernig brugðist var við farsóttinni skæðu á sviði náms og starfsráðgjafar og ný verkfæri eða tækni sem náms- og starfsráðgjafar eru að nota.

Fyrsta bókin um náms- og starfsráðgjöf á Norðurlöndunum er aðgengileg hér.
Fulltrúar okkar í bókinni eru þær Sif Einarsdóttir, Guðbjörg Vilhjálmsdóttir, María Dóra Björnsdóttir, Dóra Stefánsdóttir og Jónína Kárdal

Þann 30. nóvember nk. býður IAEVG upp á "webinar" með þeim feðginum Norman Amundson og dóttur hans Andreu Fruhling er nefnist Hope in action.
Guðbjörg Vilhjálmsdóttir mun stýra viðburðinum. 
Nánar um viðburðin og skráningu má sjá HÉR  

Til hamingju með daginn kæru félagar!
Dagur náms- og starfsráðgjafar verður haldin hátíðlegur 30. október nk. í netheimum. 
Endilega fylgist með frekari upplýsingum þess efnis á Facebook síðu félagsins. 

 

Menntakvika Menntavísindasviðs Háskóla Íslands var haldin dagana 1. og 2. október sl. Þar hélt m.a. Guðbjörg Vilhjálsmdóttir fyrirlestur var m.a. fyrirlestur undir yfirskriftinni: Viðhorf ungs og lítt menntaðs fólks til starfa: Starfsvilji, starfsskynjun, aðlögunarhæfni á starfsferli

Félag náms-og starfsráðgjafa hefur átt aðild að International Association for Educational and Vocational Guidance í meira en 30 ár, í gegnum aðild sína að Nordiska förbundet för studie- och yrkesvägledning. Guðbjörg Vilhjálmsdóttir, professor situr nú í stjórn IAEVG og þar hafa verið umræður um að tengja félagsmenn í aðildarfélögum IAEVG betur við samtökin. Liður í því er að dreifa fréttabréfi IAEVG til félagsmanna í gegnum aðildarfélögin. Fréttabréfið verður því framvegis birt á heimasíðu FNS og kynnt í gegnum facebook síðu og póstlista.

Dr. Jane Goodman, einn af þremur varaforsetum IAEVG, hefur haft forgöngu um að stofna net landsfulltrúa innan IAEVG. Til þess hafa yfirleitt valist formenn félagasamtaka náms- og starfsráðgjafa vítt um heim og því var það ánægjulegt að Helga Tryggvadóttir formaður FNS er nú landsfulltrúi IAEVG. Hlutverk landsfulltrúa er að tengja IAEVG við það sem er að gera í heimalandinu, kynna starfssemi og þarfir í hverju landi og kynna félagsmönnum það sem er að gerast á vettvangi IAEVG.

Pages